სამართლისა და პოლიტიკის კვლევის ინსტიტუტი 2021 წელს კონსტიტუციის წლად აცხადებს და იწყებს საჯარო ლექციათა ციკლს, რომელიც ეძღვნება საქართველოს 1921 წლის კონსტიტუციის 100 წლისთავს. პანდემიის პირობების გათვალისწინებით საჯარო ლექციები ონლაინ, Zoom პლატფორმის მეშვეობით ჩატარდება. 2021 წლის 21 თებერვალს, 20:00 საათზე საჯარო ლექცია გაიმართება თემაზე: „პირველი ქართული კონსტიტუცია ევროპული კონსტიტუციონალიზმის სარკეში“. ლექციას წაიკითხავს სამართლის დოქტორი, კავკასიის საერთაშორისო უნივერსიტეტის პროფესორი ბექა ქანთარია.
