სამართლისა და პოლიტიკის კვლევის ინსტიტუტი 2021 წელს კონსტიტუციის წლად აცხადებს და იწყებს საჯარო ლექციათა ციკლს, რომელიც ეძღვნება საქართველოს 1921 წლის კონსტიტუციის 100 წლისთავს. პანდემიის პირობების გათვალისწინებით საჯარო ლექციები ონლაინ, Zoom პლატფორმის მეშვეობით ჩატარდება. 2021 წლის 11 თებერვალს, 20:00 საათზე საჯარო ლექცია გაიმართება თემაზე: „საქართველოს პირველი კონსტიტუციური მოდელი – უშუალო დემოკრატია“. ლექციას წაიკითხავს ილიას სახელმწიფო უნივერსიტეტის სამართლის სკოლის ასოცირებული პროფესორი, საქართველოს ახალგაზრდა იურისტთა ასოციაციის დემოკრატიული ინსტიტუტების მხარდაჭერის პროგრამის დირექტორი ვახუშტი მენაბდე.
